RAWNGBAWLNA

DELHI MISSION FIELD CHANCHIN


Thuhmahruai

Synod Mission Board ruahmannaa Field chanchin ziak tura hriattirna kan hmuh avangin theihtawpin tan kan han la ve a, Field atanga chhui theih ang ang chhuia kan ziak chu office pui lama kan thehluh hnuah kimchang zawka ziak tura ngenna kan dawng leh ta si a. Tihngaihna dang hre lovin engemaw chen hma la zui lova kan dah hnuah, Mission Board lamin Missionary Senior, Pu R.Lalchhanhima kan Field-ah a rawn dah hlauh mai a, ani remhriatnain a bul atangin kawng hrang hranga an dap hnuah tuna mi ang hian kan han puitlin thei ta hram a ni.

A hun leh a ni chungchangah a tul angin mi hrang hrangte telephone hmanga biakrawn zel an ni a, chuti chung pawhin ziaka kan neih leh anmahni lam hriat dan inang lo te a lo awm bawk nen, duhthusam ni lo mah se, hei aia tha leh rintlak buatsaih thei dinhmunah kan ding lo niin, hei hi kan phak tawk a ni e.

Engpawh ni sela, he field chanchin ziak hian field hrang hranga hma kan laknaah thil chhinchhiah fel a pawimawhzia min hriatchhuahtir hle a ni. Kan tlin tawk leh phak tawka kan ziah hi kohhran leh mimal, a mamawh apiangte tan malsawmna ni thei se tih hi kan tawngtaina a ni e.


Ni 18th December 2009 Rev. Lalchhuanmawia
Field Secretary